Мемлекет басшысы Қасым-Жомарт Тоқаевтың еліміздің педагогтеріне балаларға экологиялық сананы сіңіру, мәдениетті, тұрмыстық тазалық пен гигиенаны дамыту, сондай-ақ Қазақстан табиғатын қорғаудың ерекше маңыздылығын түсіну қажеттілігі туралы үндеуі аясында 2020 жылдың 19-21 қазанында 1-6 сынып оқушылары үшін "DARYN ECOART" Республикалық сурет және көркем қолөнер байқауы өткізілді.
Байқау екі бағыт бойынша ұйымдастырылды:
- туған өлкенің табиғаты мен пейзажы тақырыбына үздік сурет байқауы (бес суреттен тұратын серия);
- қайта өңделген материалдардан, қалдықтардан жасалған үздік көркем қолөнер байқауы.
Новотроицк орта мектебінің 3-сынып оқушысы Жанашев Санжар (мұғалімі Дюсенбаев Кенжебай Кабаевич) байқауға "Пейзаж" номинациясы бойынша суреттер сериясын ұсынып, 2-орынға ие болды.
"Қарабалық ауданы әкімдігінің білім бөлімінің балалар шығармашылығы үйі" КММ сәндік-қолданбалы үйірмесінің тәрбиеленушісі Ковальчук Валерия (мұғалімі Безрукова Оксана Геннадьевна) "Күзгі мотив" қағаз бұйымын көрсетті және 3-орын алды.
Абай Құнанбаев атындағы Қарабалық орта мектебінің 6-сынып оқушысы Галеева Вероника (мұғалімі Ярошенко Ольга Петровна) "Күзгі құс"атты табиғи материалдан қолөнер жасап, 3-орын алды.
Барлық жұмыстар өте қызықты, әсерлі болды! Балаларды, ата-аналарды және педагогтарды жеңісімен құттықтаймыз! Денсаулық, шығармашылық жетістіктер тілейміз!